WAFALME WAWILI, MALKIA MMOJA, JUKWAA MOJA PASAKA DAR LIVE

MACHO na masikio ya wapenda burudani wote yamehamia ndani ya Uwanja wa Taifa wa Burudani, Dar Live uliopo Mbagala-Zakhem, jijini Dar ambapo wafalme wawili wa muziki Bongo, Mfalme wa Vigodoro, Msaga Sumu pamoja na Mfalme wa Bongo Fleva, Ali Kiba wataungana na Malkia wa Masauti, Isha Mashauzi katika kuandika historia kwa mara ya kwanza.

Mfalme wa Bongo Fleva, Ali Kiba.

Akizungumza na Showbiz, mratibu wa burudani wa ukumbi huo, Abdallah Mrisho ‘Abby Cool’ alisema kwamba hii imekuwa ni mara ya kwanza kwa wakali hao kukutana jukwaa moja la Dar Live na kuwaahidi kila mmoja kuwa wa kitofauti katika kutoa burudani.
Ali Kiba
Kuhusiana na Mfalme wa Bongo Fleva, Abby alisema kuwa ni muda mrefu kwa Ali Kiba kufanya shoo ndani ya uwanja huo kwani tangu mwaka 2013 hajafanya shoo hapo hivyo mashabiki wa Ali Kiba na muziki wa Bongo Fleva kwa pamoja wajiandae kwa sapraizi kibao kutoka kwake.
“Ali Kiba atashuka jukwaani kivingine na safari hii atashuka kama Mwana Dar Live kutokana na wimbo wake unaotikisa kila kona wa Mwana, mashabiki pia watapata burudani ya aina yake kwa kupigiwa nyimbo zote kali za Ali Kiba kama vile Kimasomaso na huu ambao ni habari ya mjini kwa sasa wa Chekecha Cheketua huku atakayecheza vizuri wimbo huo tutamzawadia,” alisema Abby.

Msaga Sumu.

Msaga Sumu
Miongoni mwa wafalme watakaosumbua siku hiyo ni Msaga Sumu ambaye amekuwa hana mpinzani katika muziki wa vigodoro.“Wakazi wote wa Temeke na jiji zima la Dar hii si ya kukosa kwani Msaga Sumu atawaunganisha pamoja waswazi na wakishua katika kuwapa ngoma zake zote kali kama vile Hunifai, Apangalo Mola pamoja na Marafiki Gani.“Kwa mara ya kwanza ndani ya Dar Live, Msaga Sumu atazindua wimbo wake mpya kabisa wa Kidole Changu,” alisema Abby.
Isha Mashauzi
 “Zipo nyimbo nyingi zitakazosumbua siku hiyo, kama tumjuavyo Isha akiwa stejini ni ‘Jike la Simba’ sasa pata picha akiwa na bendi yake ya Mashauzi Classic wakidondosha wimbo baada ya wimbo.
“Miongoni mwa nyimbo zitakazosumbua siku hiyo ni Ropokeni Yanawahusu, Ni Mapenzi tu, Tupendane, Bonge la Bwana na huu mpya atakaouzindua kwa mara ya kwanza ukumbini hapo wa Nimpe Nani.”
Masai Warriors
Mapema kuanzia asubuhi kundi la sarakasi la Masai Warriors litakuwepo kwa ajili ya kutoa burudani kwa watoto na wote watakaofika siku hiyo.Baada ya kutikisa kwenye Usiku wa Wafalme, Desemba mwaka jana, Masai Warriors wamekuja upya na safari hii ni ya kipekee kwa watoto wote kwani watawaburudisha kwa michezo kama vile yoga, vichekesho, kuvuta kamba, kucheza na gunia na mingine mingi.
Watoto pia watapata burudani ya kipekee kwa kuogelea, kubembea, kuteleza na kupanda ndege ‘spesho’ iliyopo ndani ya Dar Live.

Malkia wa Masauti, Isha Mashauzi.

Wadhamini
Vodacom
Burudani zote hizo zimeletwa kwenu kwa udhamini wa kampuni ya mawasiliano ya Vodacom ambayo mtandao wake umeenea nchi nzima na viwango vyake ni bei nafuu.
Valeur
Kinywaji murua kinachopendwa na wengi ambacho kwa sasa kinapatikana kote Tanzania kwenye ‘viroba’ na katika chupa. Chupa yake ipo katika muonekano mpya kabisa wa kimataifa.
Redbull
Kinywaji kinachokupa nguvu zaidi na kukuondoa katika uchovu. Redbull pia wamekuja na vinywaji murua vingine kama vile Skyy, Jagermiester, Grants vyenye ladha ya kipekee.