Mbrazili wa Yanga, Andrey Coutinho.NI sahihi kusema kuwa Mzungu halogeki baada ya Yanga kumaliza mechi yake ya mwisho ya makundi jana dhidi ya Shaba kwa ushindi mzuri wa bao 1-0.
Katika mchezo huo wa Kombe la Mapinduzi ulipigwa kwenye Uwanja wa Amaan, ulikuwa na vituko vya hapa na pale baada ya shabiki mmoja wa Yanga kuamua kujitoa mhanga na kuingia uwanjani kwenda kuzoa glovu za kipa kwa imani kuwa zinazuia mpira usiingie wavuni.
Hiyo ilitokea baada ya Yanga kukosa zaidi ya mabao nane ya wazi na dakika tatu tu baada ya glovu hizo kutolewa, Mbrazili Andrey Coutinho, akaifungia Yanga bao pekee katika dakika ya 86 na mashabiki kuanza kuimba ‘Mzungu halogeki’.
Hilo ni bao la tatu kwa Mbrazili huyo kwenye michuano hiyo na anashika nafasi ya pili kwa wafungaji wa timu hiyo nyuma ya Simon Msuva ambaye ana mabao manne.Kuingia kwa Amiss Tambwe na Kpah Sherman katika kipindi cha pili kuliongeza nguvu kwa Yanga na kusababisha kupatikana kwa bao hilo.
Yanga ndiyo watamu zaidi kama tangazo maarufu sana kwa sasa linalosema ‘Mcharo kwenye michuano hiuo baada ya kuwa timu pekee kumaliza kwenye hatua ya makundi kwa kishindo baada ya kushinda michezo yake yote mitatu.
Katika michezo hiyo Yanga wamekusanya pointi tisa na mabao tisa, baada ya kushinda 4-0 kwenye michezo miwili mfululizo ya kwanza.Yanga haijaruhusu lango lake kutikiswa kwenye michuano hiyo katika michezo yote na sasa watavaana na JKU Kwenye mchezo wa hatua ya robo fainali kesho.
Hata hivyo, kiwango cha timu hiyo kinatisha amani kwani kama watakutana na timu dhaifu wanaweza kuifunga hata mabao tisa kutokana na kiwango cha juu walichoonyesha.
Huku washambuliaji wake wakiwa na uchu wa hali ya juu.
Post a Comment