Mchezaji wa Yanga, Amis Tambwe.KOCHA Mkuu wa Simba, raia wa Serbia, Goran Kopunovic, amewashangaa viongozi wa klabu hiyo kwa kumuacha Amissi Tambwe kwenye usajili uliopita.Simba waliachana na Tambwe kwenye usajili uliopita kwa kile walichodai kuwa, ameshuka kiwango pamoja na kwamba msimu mmoja tu nyuma aliwapa heshima ya kuwa mfungaji bora wa Ligi Kuu Tanzania Bara.
Tambwe baada ya kuachwa, alijiunga na Yanga ambayo mpaka sasa ameshaifungia bao moja kwenye Ligi Kuu Tanzania Bara walipocheza dhidi ya Azam.Akizungumza na Championi Jumatano, Kopunovic ambaye amejiunga na Simba baada ya aliyekuwa kocha mkuu wa timu hiyo, Patrick Phiri kutupiwa virago, alisema ameshangaa sana kusikia kuwa mshambuliaji huyo aliachwa na Simba, kwani anaonyesha kiwango kizuri sana.
Jumapili iliyopita, Kopunovic aliyetua Simba hivi karibuni kuchukua mikoba ya Patrick Phiri aliyetimuliwa klabuni hapo, alipigwa na butwaa baada ya kuambiwa kuwa Tambwe alikuwa mchezaji wao ila uongozi wa timu hiyo ulimfungashia virago kwa madai kuwa ameshuka kiwango.
“Nimemuona ni mchezaji mzuri sana, anaonekana anajua kufunga na kuisaidia timu yake.
“Lakini nashangaa kusikia kuwa alikuwa Simba akaachwa, ndiyo hivyo tena imeshatokea lakini naamini hata wachezaji wangu ni wazuri kama yeye,” alisema kocha huyo.
Post a Comment