Kocha wa Simba, Goran Kopunovic.UWEZO wa hali ya juu unaonyeshwa na safu ya ushambuliaji ya Yanga umempa kiwewe Kocha wa Simba, Goran Kopunovic na kujikuta akisema hawa jamaa ni noma.
Mserbia huyo wa Simba aliyejiunga na timu hiyo hivi karibuni akichukua mikoba ya Mzambia, Patrick Phiri, amesema kuwa washambuliaji hao ni hatari na ni watu wa kuchungwa sana katika mashindano haya.
Ijumaa iliyopita washambuliaji wa Yanga, Simon Msuva na Kpah Sherman walionyesha kiwango kizuri kwenye mchezo huo, huku Msuva akifunga moja na Sherman moja.
Akizungumza na Championi Jumatatu, Kopunovic alisema tangu ameanza kufuatilia mashindano hayo, Yanga ndiyo wana washambuliaji bora zaidi. “Nimejifunza mambo mengi katika mashindano haya na ninaendelea kujifunza ili niweze kuona tofauti iliyopo kati ya timu yangu na nyingine zinazoshiriki michuano hii.
“Hata hivyo kuna mambo ambayo tayari nimeshayaona na nitakuwa nikiyafanyia kazi kidogo kidogo ili kikosi changu kiweze kuwa bora zaidi, ninaamini nitafanikiwa juu ya hilo.
“Safu hatari ya ushambuliaji ambayo mpaka sasa imenivutia ni ile ya Yanga, hususani wachezaji wale waliofunga mabao dhidi ya Jang’ombe (Msuva na Sherman) jamaa ni hatari,” alisema Kopunovic ambaye pia juzi Jumamosi aliongoza timu yake kupata ushindi wake wa kwanza katika mashindano haya dhidi ya Mafunzo baada ya kushinda bao 1-0.
Post a Comment